برافو يا فتاة احسنت الرد و القول
اوقفته عند حده
***************
نعاود ليكم على وحدة شنو دارت هي ، عجباتني ملي حكات ليا
هي مطلقة و زوينة ( يعني صيد ساهل و طريق سالك )
قالك واحد كان مبرزطها ووقفها كيما تيديروا
والسيدة بردات و اعطاته الوقت وقالت بلاتي نشوف هذا شنو بغا واش غيقول
السيد : بلا بلا بلا.... وانا وانا وانا ....
و السيدة :ساكتة تتمسع و تتشوف فيه بلا ماترف عينها
المهم فالاخير بان شنو بغا "رونديفو" ،
و قبلت لكن بشرط تختار مكان الرونديفو و هو فرحان قبل
و باش تبرر ليه قالت بانها خايفة ليشوفها شي حد و ....
و قالت له يتلقاو فالخلا حيث لا شجر و لا حجر و لا ظل ظليل
و الساعة، كانت فوقت الشمس تتكون فيه فوسط السماء و تتهرس الحجر
و بلادهم معروفة بالحرارة تتوصل فالظل 40 درجة فما بالك بالشمس
و ملي وصل وقت الرونديفو
السيد مشا للبلاصة و فالوقت المحدد كيتخيل كي غتكون ديك العشية
مفركس و معطر و مسيري الصباط
و السيدة فدارهم تتشخر ناعسة و تتبرد مع راسها
و هو : دبا تجي دبا تجي دابا تجي
وحيد القامجة ودارها على راسه لان الشمس هلكاته
ومن بعد ما تحرق و تشوى بالشمس فهم بانها مجياش
فالاول غضب و بقا فيه الحال لكن ملي برد فهم و عجبه الحال
و مشا عندها و اعتذر منها و قال لها انا نستاهل
لان نيتي مكانتش صافية
وكنت جاي و الغدر فيا
و السيدة سمحاته و نصحاته وقالت له :
لي تبغيه لختك ولبنتك بغيه لبنات الناس .
من يومها ليومنا هذا تيذكرها بكل خير
**********
في بعض الاحيان الكلام لا يكفي لايقاظ احدهم .